Димовски: ВМРО-ДПМНЕ со двајца независни кандидати на носители на листи, покажа голема отвореност спрема надворешни лица 

За прв пат ВМРО-ДПМНЕ излезе со две жени носителки и двајца независни кандидати како носители на листа. Според екс пратеникот Илија Димовски, кој беше гостин во вечерашната емисија "Заспиј ако можеш" на Алфа телевизија, такви освежувања се добри за корекција и нивелација на работите во самата партија. -Со тројца од носителите на листи се познавам преку 10-15 години. Тоа се носителите во двојка, тројка и четворка, односно Владо Мисајловски, Игор Јанушев и Александар Николоски. Станува збор за исклучително трудољубиви луѓе. Освен што се вложуваат во кампањата, ќе се вложуваат и после тоа, значи ќе бидат работници. И покажаа дека се работници. Владо Мисајловски беше одличен министер за транспорт и врски без ниедна афера. Александар извонредно се снаоѓа во меѓународните односи, а Игор одлично менаџираше со јавни претпријатија во Скопје кога се правеа поголемите реформи. За Игор Дурловски и Гордана Силјановска не би требало да зборам. Нив јавноста ги знае и од друг аспект. На пример, Дурловски за многумина е освежувањето на политичката сцена. За носителот на "шестката" сакам да кажам – Дафина, таа ми беше колешка јас и бев координатор на пратеничката група во Собранието, таа е исто така исклучителен работник значи посветена како личност. ВМРО-ДПМНЕ навистина работеше во изминатите години и навистина ќе работи и после овие избори. ВМРО-ДПМНЕ покажа многу поголема отвореност спрема надворешни лица отколку било која политичка композиција. Ја ценам припадноста во партиите, како политичка идеологија, но добро е одвреме навреме да има такви освежувања од страна – луѓе кои не се дел од цврстата партиска структура чисто во најмала рака за нивелација и коректура, рече Димовски.

Related Articles

Leave a Reply

Your email address will not be published. Required fields are marked *