Цели 94 минути им беа потребни на фудбалерите на Манчестер Јунајтед да најдат пат до мрежата на Копенхаген иако во основниот дел од четвртфиналниот меч од Лигата Европа два пати го совладаа противничкиот голман, но головите беа поништени поради офсајд.

Конечно, во првото продолжение, Јунајтед поведе преку Бруно Фернандес кој од пенал му донесе предност на својот тим. Марсијал беше соборен во противничкиот шеснаесетник, Турпан покажа на белата точка, а Бруно Фернандес беше немилосрден.