Луѓето кои никогаш не се задоволуваат со просечното и секогаш тежнеат кон повеќе може да бидат одлични двигатели на промени, но исто така и се многу тешки за соработка и соживот. Амбициозноста е убава карактеристика до одредена мера – додека не стане опсесивно преработување, барање невозможни рокови и маани на секој кој не работи како вас. Хороскопски знаци кои никогаш не мируваат, се вечно незадоволни од постигнатото и наоѓаат „влакно во јајцето“ се Близнаци, Девица и Овен. Луѓето родени во знакот на Близнаци се многу темелни, посветени и трудољубиви, но многу често овие убави особини кај нив преминуваат во болен перфекционизам со превисоки очекувања од себе и од другите, поради што кај нив се развива анксиозност, вознемиреност, прегорување од работа, а понекогаш и оддавање на зависности. Совет за овие Близнаци е да најдат хоби или некаква форма на физичка активност за да пренасочат таму дел од нивната енергија и фокус. ДЕВИЦА Девиците се познати перфекционисти и за себе и за другите. Нивната најголема маана е што си земаат премногу обврски бидејќи не знаат кажат „не“, но и бидејќи сметаат дека другите не се доволно способни да ја завршат работата како нив и ќе се изгуби време. Поради ова себе си се сметаат за пожртвувани, а всушност никому не прават услуга. Совет за нив е да научат да делегираат обврски, а своето внимание да го насочат на конкретни задачи. Исто така треба почесто да прават паузи од работа и да одмараат во природа, далеку од работните обврски. ОВЕН Овните се креативни и вредни и сѐ прават со голема страст, но треба да научат да го контролираат и насочат нивниот темперамент. Покрај тоа што се убедени дека никој друг нема да ја заврши работата како нив, често предлагаат небулозни проекти за кои се потребни многу луѓе, време и ресурси, а во процесот на работа не дозволуваат никој да работи ако не е по нивно. На крај имаат премногу обврски, премалку време и исфрустрирани колеги. Совет за нив е побараат предизвици надвор од работното место и да се посветат учење нови вештини. извор: Кајгана