Вернер за трансферот во Челзи и Лигата на шампионите: Знаев дека нешто ќе загубам

Голгетерот на РБ Лајпциг, Тимо Вернер од следната сезона ќе го носи дресот на Челзи.

Настапите кои минатата сезона ги пружаше во Бундеслигата никого не оставија рамнодушен. Од ден на ден Вернер се поврзуваше со голем број великани, а својата кариера на крајот ќе ја продолжи во Челзи кој за него плати 60 милиони евра.

Од 1 јули Вернер и официјално ќе му се приклучи на Челзи, а тоа воедно значи и дека РБ Лајпциг ќе мора во завршницата од ЛШ да игра без својата прва ѕвезда.

„Секако дека ме боли тоа што нема да можам да му помогнам на Лајпциг во ЛШ, но јас сум играч на Челзи од 1 јули, тие ќе ми ја плаќаат платата. Беше јасно од самиот почеток дека договорот ќе биде ваков. Се трудев да не се оптоварувам премногу со ЛШ бидејќи беше јасно дека од една страна ќе морам да патам“, изјави Вернер.

Вели дека ќе продолжи да го следи Лајпциг.

„Засекогаш ќе останам поврзан со Лајпциг и клубот, ќе седам покрај ТВ и ќе навивам. Можеби дури и ќе дојдам во Лисабон“, заклучи Вернер.

Related Articles

Leave a Reply

Your email address will not be published. Required fields are marked *