Холандската фудбалска легенда Марко Ван Бастен, смета дека Манчестер Јунајтед минатото лето го купиле погрешниот фудбалер од Ајакс.
Јунајтед по обезбедувањето на услугите на Тен Хаг, ги обезбеди уште Лисандро Мартинез а потоа и Ентони, но Ван Бастен смета дека Ентони не требало да го купат, посебно не за 100 милиони евра.
Ван Бастен смета дека „црвените ѓаволи“ направиле грешка со тоа што тргнале по Ентони, а не по Кудуз, кој сезонава е незаменлив.
„Мохамед Кудуз е многу подобар фудбалер од Ентони, Јунајтед погреши со купувањето. Кудуз е подобар во техниката на терен, тој е попаметен играч и технички подобро поткован од Ентони. Многу повеќе се ужива кога фановите го гледаат Кудуз“, порача Ван Бастен.
