„Бомба“ од Островот: Борусија попушти, Санчо за 70 милиони евра се сели во Јунајтед!

Според сликата која се создаде во медиумите во изминатиот период, Борусија Дортмунд упорно одбиваше да прифати помалку од 120 милиони евра за Џејдон Санчо, но изгледа дека тоа не е реалноста. Наводно, според информациите на угледниот британски „Индепендент“, „Милионерите“ попуштиле.

Германците наводно ја прифатиле иницијалната понуда на Јунајтед која со бонусите би можела да биде и поголема од цената која ја бараше Борусија на почетокот. Имено, „Индепендент“ тврди дека „Ѓаволите“ понудиле 70 милиони евра веднаш, а остатокот низ бонуси кои Санчо наводно за неколку сезони сигурно ќе ги исполни со што би ја досегнал целосната вредност.

Борусија наводно во еден момент ја спуштила цената на 105 милиони евра, но Јунајтед не сакаше да го плати ни тоа, за на крајот да понуди цела низа бонуси кои Германците на крајот ги прифатиле. Договорот засега е постигнат преку посредник, а официјалниот состанок на клупските претставници се уште не се случил.

Санчо наводно е мошне заинтересиран за преселба во Премиер лигата, а Јунајтед му е уште поинтересен со оглед на тоа дека во последното коло обезбеди пласман во Лигата на шампионите и следната сезона има големи амбиции. Англискиот репрезентативец во моментов е на одмор, а „Индепендент“ тврди дека, кога ќе се врати, би можел веќе да биде нов играч на Јунајтед.

За потсетување, Борусија пред неколку дена му даде рок на Јунајтед од две недели да се одлучи дали сака или не сака да ги прифати нивните услови со оглед на тоа дека тренерот Лусиен Фавр сакаше на собир да ја има целата екипа за почетокот на подготовките за новата сезона.

Санчо во Дортмунд дојде во летото 2017 година од Сити за само 7,5 милиони евра, а минатата сезона на 44 настапи запиша импресивни 20 гола и 20 асистенции.

Related Articles

Leave a Reply

Your email address will not be published. Required fields are marked *