Вести
Белин го презеде управувањето со филијалата на Газпром во Германија

Нервоза владее на енергетскиот пазар, барањето на Москва за плаќање во рубљи и можното ембарго од Унијата за увоз на руска нафта, дополнително го подгреваат стравот.
Цената на енергенсите продолжува да расте, рубљата по неделниот раст, денеска потона за скоро 10%, доларот е стабилен, вредноста на еврото се намалува, инфлацијата се подгрева.
Во Турција достигнат е нов дваесетгодишпен максимум, односно 61 %. Ценатата на нафтата и гасот во благ пораст. Се чека ставот од Брисел, дали ќе има рампа за увоз на руска нафта и дали ќе се плаќа во рубљи.
Дали ќе постои механизам да се плаќа во евра и потоа да се конвертира, со што вештачки се подига цената останува да се види. Ако испораките на гас прекинат, ќе пробаме да најдеме алтернативно снабдување, изјави министерот за енергетика на Бугарија Александар Николов.
Германската Влада најавува дека до крајот на летото може да стави рампа на увозот на руски јаглен, а до крајот на годината и на нафтата. Но, за воведување ембарго за гасот, катогорични се – додека нема алтернатива, санкциите да бидат постепени.
Инаку германскиот оператор на една година го презеде управувањето на Газпром Германија, откако претходно изјавија дека се повлекуваат, без да ги наведат причините за тоа. Покрај во Германија, Газпром ги напушти своите филијали во Велика Британија, Чешка и Швајцарија
-Секојдневно работиме на создавање предуслови за ембарго, за независност од руската нафта, јаглен и гас. Следната мерка би била намалување на зависноста од руското влијание на нафтената инфраструктура, изјави министерот за акономиа на Германија, Роберт Хабек
И додека земјите членки на Унијата прават калкулации и бараат нови извори на енергија, експертите предупредуваат на последиците од прекинот на испорака на гасот.
-Сите овде на берза би сакале да кажат – нема веќе нафта и гас од Русија, но знаеме дека реалноста е друга. Без таа енергија, светлата ќе се изгасат во многу претпријатија, невработеноста ќе расте и ќе се соочиме со уште поголеми економски проблеми, изјави шефот на анализа на пазарот на капитал на Франкфуртската берза, Роберт Халвер.
Во меѓувреме, испораката на гас продолжува во согласност со постечките договори, а руските олигарски молат за позајмица. Роман Абрамович бара американските пријатели да му дадат на заем по милион долари, за да им исплати плати на вработените, кои неделно изнесуваат 750 илјади долари.
Вести
НБ: Продолжува трендот на раст на плаќањата со платежни картички и е-кредитни трансфери

Граѓаните продолжуваат со зголемена употреба на дигиталните канали за вршење на плаќањата, а особено на употребата на платежните картички и мобилните апликации за електронско иницирање на кредитните трансфери и во првиот квартал од 2022 година, соопшти Народната банка.
Бројот на трансакции извршени во земјата со платежни картички издадени кај нас пораснал за 15,8 отсто на годишно ниво, додека вредноста на извршените трансакции пораснала за 13,2 процента. Забележан е годишен раст на бројот на плаќањата со платежни картички на физичките места на продажба за 19,5 отсто, како и годишен раст од 8,7 проценти на виртуелните (интернет) продажни места.
Кај кредитните трансфери, исто така, забележан е годишен раст, како кај бројот на трансакции, така и кај вредноста. Во првиот квартал од 2022 година, граѓаните извршиле 17 проценти повеќе плаќања преку кредитни трансфери, додека вредноста на трансакциите била повисока за 28,6 отсто.
Електронското банкарство и неговата употреба при иницирањето на кредитните трансфери, продолжува да расте и во првиот квартал од 2022 година. Електронски иницираните кредитни трансфери забележаа раст од 9,5 отсто на годишна основа. За извршување на плаќањата, граѓаните особено ги користеле мобилните апликации со кои извршиле над една половина од вкупниот број на електронски иницирани кредитни трансфери. Притоа, бројот на плаќањата извршени со мобилен телефон пораснал за 18,4 отсто на годишна основа. Истовремено, значително поумерен годишен раст со 1,7 проценти е забележан кај употребата на компјутерите за извршување плаќања.
Податоците за платежната статистика за првиот квартал од 2022 година се достапни на https://www.nbrm.mk/platiezhna_statistika.nspx.
Вести
Бислимовски тврди дека за 98,8 отсто од домаќинствата струјата ќе поскапи во просек за 7,4 отсто

Претседателот на Регулаторната комисија за енергетика Марко Бислимовски денеска уште еднаш повтори дека просечната цена на струјата за 98,8 проценти од домаќинствата ќе се зголеми за 7,4 проценти, а само оние 1,2 отсто кои трошат енормно, ќе плаќаат енормно.
– РКЕ воведе концепт на блок тарифи со цел да им се помогне на најранливи категории на потрошувачи, но да им се помогне и на домаќинствата што немаат друг избор и друг начин за греење освен електрична енергија и поради тоа блоковите ги проширивме само во висока тарифа до 1050 киловатчасови. Проверете во која било земја во регионот дали има толку високи блокови. Јас ви тврдам најодговорно и цврсто стојам позади тоа дека блоковите кои се определени во Македонија се највисоки во регионот, изјави Беслимовски, одоговрајќи на новинарско прашање на денешниот МЕФ Македонски енергетски форум 2022 што се одржува во Охрид.
Тој тврди дека кај 59,9 проценти од потрошувачите во зимскиот период зголемувањето ќе биде 6,6 проценти, кај 20-30 проценти ќе биде од 6,6 до 8,7, кај три проценти од 8,7 до 11,2 а кај тие што трошат многу ќе биде од 11,2 до 99-100 проценти.
– Во однос на читањето на броилата граѓаните да бидат сигурни дека на никој нема да му одговара да се одолговлекува читањето на броилото. Значи, првиот блок е 210 киловатчасови за пресметковен период од 30 дена. Доколку операторот на мрежата бил неодговорен и го прочитал броилото не за 30 туку за 300 денови за тој потрошувач првиот блок ќе биде 300 дена по 7 киловатчасови на дневно ниво ќе биде 2.100 киловатчасови. На граѓаните ќе им одговара дури и да не се чита толку редовно бидејќи блокот ќе се зголемува. Затоа ви кажувам, за 300 дена ако не се прочита броилото првиот блок не е 210 киловатчасови, туку е 2.100 киловатчасови. Значи, направен е концепт којшто постојано ќе прави притисок врз ЕВН да ги отчитуваат броилата. Колку се зголемува времето на отчитување толку секој блок се зголемува за тие денови, посочи Бислимовски.
РКЕ, според Бислимовски е назависно, и затоа очекува дека опозицијата нема постојано да врши притисок врз неа.
Тој очекува да нема криза ниту во снабдувањето со нафта и нафтени деривати.
– Во однос на нафтата ние сме стопроцентно увозна земја, 80-90 проценти ги увезуваме од Грција и според оние сознанија кои ги имаме, нема проблеми во Грција во однос на производството на сите нафтени деривати. За жал, на тие работи ние како држава не можеме да влијаеме. Сигурен сум дека ќе се направи се да нема енергетска криза во однос на снабдувањето со нафтените деривати, рече првиот човек на РКЕ
Вести
ДКСК ќе ја одржи 71-та седница

Државната комисија за спречување на корупцијата (ДКСК) денеска ќе ја одржи 71-та седница. На дневен ред, како што соопштија од ДКСК, е измена и дополнување на Упатството за рангирање на предметите за постапување на ДКСК по основ на доставени пријави бр. 03-2233/1 од 12 февруари 2021 година, како и работа по конкретни предмети.
-
Вести1 month ago
ШОКАНТНО ОКТРИТИЕ! Научно докажано: Македонците се првите луѓе во Европа
-
ЕНЦИКЛОПЕДИЈА4 weeks ago
ЗА НИВ БИЛ МАКЕДОНЕЦ: Комити кои го преживеале Илинден во 1960 година му оддаваат почит на Пиринскиот цар Јане Сандански
-
ЕНЦИКЛОПЕДИЈА2 months ago
Портрет на прилепско семејство од 1793 година ја ништи бугарската и грчката пропаганда против Македонците
-
НА ДЕНЕШЕН ДЕН4 weeks ago
Во Влахи во Пиринска Македонија е роден македонскиот револуционер, Пиринскиот цар, Јане Сандански
-
ЕНЦИКЛОПЕДИЈА1 month ago
Германскиот историчар Лоникер во 1578 година ги наведува Македонците како засебен народ
-
Вести2 months ago
ЛАВРОВ НАВОДНО ЈА „ПОПАРИЛ“ ГРЦИЈА: ВРШИТЕ ТЕРОР КОН МАКЕДОНЦИТЕ И МАКЕДОНИЈА А НАС ЌЕ ТИ ПРЕДАВАТЕ ДЕМОКРАТИЈА?
-
Вести1 month ago
МАЈМУНСКА СИПАНИЦА– ДАЛИ ЗАПОЧНУВА НОВА ПАНДЕМИЈА?
-
ЕНЦИКЛОПЕДИЈА2 months ago
ГЕРМАНСКА МАПА ОД 1940-ТА: Македонците во Македонија претставени како засебен мнозински народ, Бугари немало ни за бугарските сојузници