Ајакс го распродава тимот, уште тројца одат на продажба

Информациите кои пристигнуваат од Амстердам ги ставија на готовс најголемите европски клубови.

Сезоната заврши предвреме, Ајакс загуби голема сума на пари, а по фантастичната мината сезона, оваа ќе значи нови продажби. Според информациите, тројца играчи ќе одат на трансфер пазарот.

Така потврди и тренерот Ерик Тен Хаг. Клубот ќе ги продава голманот Онана, потоа Дони ван де Бек и левиот бек Николас Таљафико.

Купувачи нема да недостасуваат. Онана е еден од најбараните млади голмани во Европа, за него е заинтересиран и Челзи кој го посакува на местото на Кепа, но Лампард тешко ќе се ослободи од Шпанецот. Се споменува и ПСЖ кој е во потрага по голман, како и Барселона, но Тер Штеген ќе го продолжи договорот.

Кога станува збор за Ван де Бек, тој уште минатата година беше мета на Реал. Неговата цена е околу 50 милиони евра, а Ван дер Сар призна дека и неговиот поранешен клуб Јунајтед го сака Холанѓанецот. Сепак, ако нема пари по завршувањето на сезоната во топ лигите, Ван де Бек би можел да остане уште една сезона.

Таљафико сигурно си оди, дали во Атлетико или во Премиер лигата, останува да се види. Ајакс на сите начини ќе се обиде да ја наполни касата бидејќи овој фудбалер кој пред две години стигна од Индепендиенте има 27 години.

За потсетување, веќе зимоска беше продаден и Хаким Зијех во Челзи и тој кон крајот на летото ќе се пресели меѓу „Сините“.

Related Articles

Leave a Reply

Your email address will not be published. Required fields are marked *