Новиот скандал кој што е над 19 милиони евра за набавка на патни исправи и обрасци за пополнување од фирмата Веридос е всушност враќање во 2005 година каде што под друго име истата фирма имала набавка и на истиот начин некаде над 5 милион извршила криминален тендер за истата работа која што се случува денес, вели Димче Арсовски портпарол на ВМРО-ДПМНЕ. Арсовски додава дека целата постапка за набавката на патни исправи поточно пасоши и лични карти од 19 милиони евра е спроведен на незаконски начин, укажувајќи дека на извештајот не се потпишани ниту од 5 членови од вкупно 14 членови на комисијата за јавна набавка, додавајќи дека ниту самиот претседател на комисијата не се потпишал. -Предвидената сума кога се формира тендерот е 7 милиони евра, она што е индикативно е што се јавува една фирма истиот правен наследник на онаа фирма од 2005 година кога се вршеле тогаш јавните набавки во МВР, истата таа фирма доставува понуда од 19. 661.000 евра. Најпрво за 12.000.007 евра е зголемена рамката за набавката, тоа е првата работа. Втора работа е што има проблем во роковникот на тендерот. Значи најпрво се склучува договор и рамковна спогодба на оваа сума од 19 милиони на 5.12.2019 година а одлуката за избор и извештајот за постапката се потпишува и архивира на 06.12.2019 година. Тоа е еден ден подоцна. Нормално согласно законите и според логика на нештата најпрво се донесува извештај, одлука за избор и веднаш потоа се потпишува рамковна спогодба, вели Арсовски. Тој додава дека извештајот од постапката не е потпишан од 5 членови на комисијата од вкупно 14 членови, вклучително не е потпишан ниту од претседателот на Комисијата кој што ја спроведувала оваа јавна набавка. -Но, она што е уште по индикативно што комисијата била променета во текот на постапката откако е истечена важноста на понудата. Односно наместо да се поништи постапката се менува комисијата и се продолжува со работа. Тоа е повеќе од јасно дека има сериозни индиции за криминал, истакна Арсовски.