Конечно, Ромелу Лукаку личеше на оној стариот, вистинскиот од пред година и пол кога го освои Скудетото со Интер. Агонијата во Челзи, повредата во првиот дел од сезоната предизвика да се развие голем облак на сомнеж над овој центарфор.
Од оваа перспектива, на сите им е јасно дека враќањето во Челзи минатото лето беше грешка. А Тиери Анри, кој соработуваше со Лукаку во белгиската репрезентација, откри дека тоа му го кажал на напаѓачот пред да ја прифати понудата од Лондон.
– Тогаш имавме дискусија. Му реков дека не треба да оди во Челзи, бидејќи ќе му биде тешко да игра поради начинот на кој игра Томас Тухел. Ромелу сака да биде таму каде што е. Само „нахрани“ го и тој ќе ви врати повеќекратно. Тој е различен тип на играчи од оние што ги сакаат Тухел. Мислам дека и тој не би сакал да се врати кај Потер. Тој сака да остане во Интер – изјави Анри.
Пред да замине во Челзи, Лукаку постигна 64 гола на 95 натпревари во две сезони во Интер.
