Двајца албански државјани се обиделе преку граница да поминат со истечен зелен картон за што во пасошот ставиле 10 евра, полицаецот реагирал и бил извршен и претгрес на возилот. На граничниот премин Белановце, на влез во Македонија, полициски службеници ги лишиле од слобода Г.Ј.(65), возач, и Е.Р.(38), совозач, двајцата од Албанија, кои биле со патничко моторно возило „пежо" со албански национални ознаки.
„При вршење на пасошка контрола Е.Р. дошол до кабината каде на полициски службеник му дал патни исправи и зелен картон. При проверка на документите, полицискиот службеник забележал дека во зелениот картон била ставена една банкнота од 10 евра, по што Е.Р. рекол дека тие се за него за да го пушти бидејќи бил истечен рокот на зелениот картон. Е.Р. веднаш бил лишен од слобода. При извршен преглед на моторното возило било пронајдена и марихуана и една дробилица. Поради постоење основи на сомнение за сторени кривични дела по чл.358 и чл.215 од Кривичниот законик, Е.Р. и Г.Ј. се лишени од слобода. Известен бил јавен обвинител и тие биле предадени на полициски службеници од СВР Куманово за понатамошна постапка односно за поднесување соодветна кривична пријава“, соопштги МВР.
