Напаѓачот на Барселона, Ансу Фати се здоби со повреда на коленото, беше потврдено на клупскиот сајт.
Каталонскиот клуб вечерва соопшти дека Фати го повредил левото колено на последниот тренинг, но не е познато колку време ќе отсуствува.
Ова е голем проблем за Чави Ернандез, бидејќи во аут е Осман Дембеле, како и Педри, а тимот има пеколен распоред во Ла Лига и Копа дел Реј.
- Спонзор -
Барса в недела ќе гостува во Алмерија, а во четврток во Мадрид Реал Мадрид во првиот натпревар од полуфиналето на Купот на кралот.
Извесно е дека Фати нема да биде достапен за споменатите натпревари, а во наредните денови ќе се знае точно колку ќе паузира.
Не треба да заборавиме дека Фати мина низ вистински пекол поради повреди од есента 2020 година, кога трипати мораше да го оперира коленото… Кога конечно се врати на 100 проценти физичка подготвеност тој мака мачеше да ја врати самодовербата и голгетерската форма и да се наметне во тимот, а сега повторно минува низ агонија.
